केज / लिंबराज गायकवाड.
जिल्हा न्यायालय केज व वकील संघ केज यांच्या संयुक्त विद्यमाने दि.३१ जुलै रोजी न्यायालय परीसरामध्ये वृक्षारोपण कार्यक्रम मोठ्या उत्साहात पार पडला. पर्यावरण संवर्धनाच्या दृष्टिकोनातून आयोजित करण्यात आलेल्या या उपक्रमात अनेक मान्यवर अधिकारी व वकील सहभागी झाले होते.
या कार्यक्रमास प्रमुख उपस्थिती म्हणून जिल्हा न्यायाधीश १ केज भाजीपाले साहेब उपस्थित होते. त्यांच्यासोबत तदर्थ जिल्हा न्यायाधीश १ केज शेख मॅडम, दिवाणी न्यायाधीश कनिष्ठ स्तर कुलकर्णी मॅडम, तसेच सह दिवाणी न्यायाधीश कनिष्ठ स्तर चव्हाण मॅडम या अधिकारी उपस्थित होत्या.
वकील संघाच्या वतीने केज वकील संघाचे अध्यक्ष एम. एस. लाड साहेब, अन्य पदाधिकारी व सदस्यांनी कार्यक्रमात सक्रिय सहभाग घेतला. यावेळी जिल्हा न्यायालय केजचे अधिक्षक रानडे साहेब व कार्यालयीन कर्मचारीवर्ग देखील उपस्थित होता.
सदर वृक्षारोपण उपक्रमाच्या माध्यमातून न्यायालय परिसरात विविध प्रकारची झाडे लावण्यात आली. पर्यावरण रक्षणाचा संदेश देणाऱ्या या उपक्रमाचे सर्वच स्तरातून कौतुक करण्यात येत आहे.
