अंबड |(रामकिसनअवधूत)प्रतिनिधी:=
ग्रेटर बॉम्बे सायन्स टीचर्स असोसिएशनच्या वतीने आयोजित अत्यंत मानाच्या ‘डॉ. होमी भाभा बालवैज्ञानिक स्पर्धा २०२५-२६’ मध्ये जालना जिल्ह्यातील अंबड तालुक्याचे नाव उज्ज्वल झाले आहे. मत्स्योदरी विद्यालय, घुंगर्डे हदगाव येथील इयत्ता सहावीतील विद्यार्थी कुमार सोहम भागीरथसिंग परिहार याने या स्पर्धेत उल्लेखनीय यश संपादन केले आहे.
विज्ञानातील कठीण आव्हाने आणि प्रयोगांवर आधारित असलेल्या या स्पर्धेत सोहमने आपली वैज्ञानिक बुद्धिमत्ता सिद्ध केली. त्याच्या या यशाबद्दल असोसिएशनच्या वतीने त्याला सन्मानपूर्वक ‘Passing Certificate’ (उत्तीर्ण प्रमाणपत्र) प्रदान करण्यात आले आहे. ग्रामीण भागातील विद्यार्थ्याने राज्यस्तरीय स्तरावरील या स्पर्धेत मिळवलेले हे यश कौतुकास्पद मानले जात आहे.
सर्व स्तरातून कौतुकाचा वर्षाव
सोहमच्या या यशामुळे शाळेच्या शिरपेचात मानाचा तुरा रोवला गेला आहे. या यशाबद्दल मत्स्योदरी विद्यालयाचे मुख्याध्यापक श्री. कल्याण सोळूके यांनी सोहमचे विशेष कौतुक केले. तसेच शाळेतील सर्व शिक्षक, कर्मचारी, पालक आणि घुंगर्डे हदगाव येथील ग्रामस्थांनी सोहमवर अभिनंदनाचा वर्षाव करत त्याच्या पुढील उज्ज्वल शैक्षणिक वाटचालीस शुभेच्छा दिल्या आहेत.
”विज्ञानासारख्या विषयात सोहमने मिळवलेले हे यश इतर विद्यार्थ्यांसाठी प्रेरणादायी ठरेल. त्याच्या कष्टाला आणि जिद्दीला हे फळ मिळाले आहे.
