प्रतिनीधी, लाईव्ह अशोका टाईम्स.नांदूरघाट: नांदूर घाट तालुका केज, जिल्हा बीड येथे २६ नोव्हेंबर २०२५ रोजी क्रांतीवीर लहुजी वस्ताद साळवे यांच्या २३१ व्या जयंतीनिमित्त भव्य रथयात्रा, मिरवणूक, प्रबोधन आणि सत्कार समारंभ अशा विविध कार्यक्रमांचे आयोजन करण्यात आले होते.
हा संपूर्ण कार्यक्रम अण्णाभाऊ साठे नगर परिवर्तन ग्रुप, नांदूर घाट यांच्या वतीने आयोजित करण्यात आला होता.
✨ कार्यक्रमाची रुपरेषा
लहुजी वस्ताद साळवे यांच्या २३१ व्या जयंती सोहळ्यासाठी गावकऱ्यांनी मोठ्या उत्साहाने सहभाग घेतला. या जयंती सोहळ्याचे अध्यक्ष म्हणून श्री वैभव कसबे तर जयंती खजिनदार म्हणून श्री रोहन कसबे यांनी जबाबदारी सांभाळली.
जयंती सल्लागार श्री संतोष कसबे आणि सचिव श्री शुभम क्षीरसागर तसेच उपाध्यक्ष श्री आनंद गायकवाड यांनी कार्यक्रमाच्या यशस्वी आयोजनात मोलाची भूमिका बजावली.
कार्यक्रमासाठी सर्व गावकरी मंडळी, तसेच उपस्थित माता-भगिनी आणि बांधव यांचे खूप मोलाचे सहकार्य व मदत लाभली. यामुळेच हा भव्यदिव्य सोहळा उत्साहात संपन्न होऊ शकला.
आयोजक मंडळी व समस्त अण्णाभाऊ साठे नगर आणि परिवर्तन ग्रुप, नांदूर घाट यांच्या वतीने सर्व गावकरी मंडळींचे आभार मानण्यात आले.
