बीड प्रतिनिधि/ दि२६. बीडमध्ये ‘संयुक्त किसान मोर्चा’चे महाधरणे; ८५ रु. प्रति गुंठा मदतीवरून सरकारवर संताप.शेतकऱ्यांना तातडीने दिलासा देण्यासाठी बीड जिल्ह्यात ओला दुष्काळ (Wet Drought) जाहीर करावा आणि प्रति हेक्टरी सरसकट एक लाख रुपये मदत देण्यात यावी, या प्रमुख मागणीसाठी **’संयुक्त किसान मोर्च्या’**ने जिल्हाधिकारी कार्यालयासमोर महाधरणे आंदोलन केले. सरकारने घोषित केलेली प्रती गुंठा ८५ रुपयांची मदत ही शेतकऱ्यांची ‘क्रूर थट्टा’ असून, असंवेदनशील धोरण त्वरित थांबवावे, असा संतप्त सूर आंदोलकांनी व्यक्त केला.
प्राचार्य कॉ. डी.जी. तांदळे यांनी दिलेल्या माहितीनुसार, महाराष्ट्र राज्य किसान सभा, भारतीय कम्युनिस्ट पक्ष, काँग्रेस किसान सेल, शेतकरी कामगार पक्ष, संभाजी ब्रिगेड, आम आदमी पक्ष, मार्क्सवादी कम्युनिस्ट पक्ष यांसह अनेक पक्ष आणि संघटनांचे प्रतिनिधी या आंदोलनात सहभागी झाले होते.आंदोलनातील मुख्य मागण्या:तातडीने ओला दुष्काळ जाहीर करणे.प्रति हेक्टरी रु. १ लाख सरसकट मदत देणे.नदीकाठच्या गावातील नुकसानीसाठी वेगळी भरपाई देणे.आंदोलकांनी कुंभमेळ्यासाठी हजारो कोटींची तरतूद होत असताना राज्यातील करोडो शेतकऱ्यांसाठी केवळ २,२१५ कोटींची मदत जाहीर करणे अन्यायकारक असल्याचे मत व्यक्त केले. कॉ. उत्तमराव सानप, कॉ. ज्योतिराम हुरकुडे, भाई मोहन गुंड आणि अन्य नेत्यांनी सरकारच्या धोरणावर तीव्र संताप व्यक्त केला.
