केज | वार्ताहर तालुक्यातील जि. प. (अनु.) माध्यमिक शाळा वाघेबाभुळगाव येथील विद्यार्थ्यांनी राष्ट्रीय आर्थिक दुर्बल घटक विद्यार्थ्यांसाठी असलेल्या NMMS परीक्षेत घवघवीत यश संपादन करत शाळेच्या शिरपेचात मानाचा तुरा रोवला आहे. यावर्षी शाळेचे एकूण ९ विद्यार्थी या परीक्षेत उत्तीर्ण झाले असून, राष्ट्रीय विज्ञान दिनाचे औचित्य साधून या गुणवंत विद्यार्थ्यांचा व त्यांच्या पालकांचा विशेष सत्कार सोहळा आयोजित करण्यात आला होता.
मान्यवरांच्या उपस्थितीत सत्कार सोहळा
शाळेचे मुख्याध्यापक श्री. धनगर सर यांच्या अध्यक्षतेखाली हा कार्यक्रम पार पडला. यावेळी प्रमुख पाहुणे म्हणून पंचायत समिती सदस्य मा. श्री. प्रेमचंद कोकाटे, माजी सरपंच श्री. रामदासजी वाघ, शाळा व्यवस्थापन समितीचे अध्यक्ष श्री. दिलीपजी झांबरे, केंद्रीय प्राथमिक शाळेचे शा.व्य.स. उपाध्यक्ष आदरणीय गणेशजी भोजने, पत्रकार मा. श्री. राजेभाऊ हांडगे, बाळासाहेब जाधव व श्री. गणेश हावळे इत्यादी मान्यवर उपस्थित होते.
यशाचे मानकरी विद्यार्थी
या परीक्षेत शाळेतील खालील नऊ विद्यार्थ्यांनी यश मिळवले:
१. आरती रामराव बिक्कड
२. आरुषी रामदास वाघ
३. सानिका विलास नेहरकर
४. श्वेता दत्ता सोनके
५. सृष्टी संतोष जाधव
६. श्रवण संदीप इंगोले
७. शिवतेज परमेश्वर स्वामी
८. कु. श्रद्धा किरण जाधव
९. कु. अक्षरा रमेश पंडित
या सर्व विद्यार्थ्यांचा व त्यांच्या पालकांचा मुख्याध्यापक व शिक्षक वृंद यांच्या हस्ते यथोचित सत्कार करण्यात आला. विद्यार्थ्यांनी आपल्या भाषणातून यशाचे रहस्य उलगडले, तर पालक प्रतिनिधी श्री. संदीप इंगोले यांनीही आपले मनोगत व्यक्त केले.
मार्गदर्शन आणि संकल्प
कार्यक्रमात पत्रकार राजेभाऊ हांडगे व प्रेमचंद कोकाटे यांनी विद्यार्थ्यांना पुढील वाटचालीस शुभेच्छा दिल्या. शाळेचे शिक्षक श्री. ढेंगळे सर,श्रीमती.राख मॅडम, श्री. डोईफोडे सर व श्री. आरकडे सर यांनी स्पर्धा परीक्षेचे महत्त्व पटवून दिले.
”पालकांचे सहकार्य आणि विद्यार्थ्यांची जिद्द यांच्या जोरावर ही शाळा पंचक्रोशीत ‘आदर्श शाळा’ म्हणून नावारूपास येईल.”
— श्री. धनगर सर, मुख्याध्यापक
कार्यक्रमाच्या शेवटी आभार प्रदर्शन करताना, ‘शाळेला गावचा आधार व गावाला शाळेचा अभिमान’ ही उक्ती सार्थ ठरत असल्याचे नमूद करण्यात आले. या यशाबद्दल सर्व स्तरांतून वाघेबाभुळगाव शाळेचे कौतुक होत आहे. 
