केज/प्रतिनिधी:
राज्याच्या राजकारणात सध्या पक्षांतराचे वारे वेगाने वाहत असताना, केज विधानसभा मतदारसंघात राष्ट्रवादी काँग्रेस (शरद पवार) पक्षाला मोठा धक्का बसला आहे. पक्षाच्या उपाध्यक्षा आणि माजी आमदार सौ. संगीताताई ठोंबरे यांनी आपल्या असंख्य समर्थकांसह मुख्यमंत्री एकनाथजी शिंदे यांच्या नेतृत्वावर विश्वास दर्शवत ‘धनुष्यबाण’ हाती घेतला आहे.
दिग्गजांच्या उपस्थितीत ‘शिवबंधन’
मुंबई येथे पार पडलेल्या या सोहळ्यात सामाजिक न्याय मंत्री संजयजी शिरसाट यांच्या प्रमुख उपस्थितीत संगीताताई ठोंबरे आणि डॉ. विजयप्रकाश ठोंबरे (व्हा. चेअरमन, लोकनेते गोपीनाथराव मुंडे सहकारी सूतगिरणी, केज) यांनी अधिकृतपणे शिवसेनेत जाहीर प्रवेश केला. यावेळी त्यांना मुख्यमंत्री एकनाथ शिंदे यांनी शिवबंधन बांधून पक्षात स्वागत केले.
या प्रमुख नेत्यांचाही शिवसेनेत प्रवेश
संगीताताई ठोंबरे यांच्यासोबत केज मतदारसंघातील अनेक महत्त्वाच्या पदाधिकाऱ्यांनीही शिवसेनेत प्रवेश केला, ज्यात प्रामुख्याने:
विजय बापू केंद्रे: संस्थापक अध्यक्ष, संत भगवान बाबा युवा सेना.
किशोरजी थोरात: माजी सरपंच, कुंबेफळ.
अशोक सक्राते. येवता,
अरविंद चाळक व उमेश चाळक.लव्हुरी,
शिवसेनेची ताकद वाढली
या पक्षप्रवेशावेळी शिवसेना जिल्हाप्रमुख सचिन भैय्या मुळूक, अनिल दादा जगताप, चंद्रकांत आप्पा नवले आणि परळी तालुकाप्रमुख व्यंकटेश शिंदे यांची उपस्थिती होती. संगीताताई ठोंबरे यांच्या या निर्णयामुळे केज विधानसभा मतदारसंघात शिवसेनेची ताकद मोठ्या प्रमाणावर वाढली असून, आगामी काळात विरोधकांचे धाबे दणाणले आहेत.
”मुख्यमंत्री एकनाथ शिंदे यांचे काम आणि सर्वसामान्यांचे प्रश्न सोडवण्याची त्यांची पद्धत पाहून आम्ही शिवसेनेत प्रवेश करण्याचा निर्णय घेतला आहे. केज मतदारसंघाच्या विकासासाठी आम्ही कटिबद्ध आहोत.”
— सौ. संगीताताई ठोंबरे (माजी आमदार)
या प्रवेशामुळे केजच्या राजकारणात मोठी उलथापालथ झाली असून, येणाऱ्या काळात अजूनही काही मोठे नेते शिवसेनेच्या वाटेवर असल्याचे बोलले जात आहे.
