जालना.रामकिसन अवधूत(प्रतिनीधी): मराठवाडा उपाध्यक्ष दिपक डोके यांच्या हस्ते रॅलीला सुरुवात; कार्यकर्त्यांचा मोठा प्रतिसाद. जालना महानगरपालिका निवडणूक २०२६ च्या प्रचाराला वेग आला असून, प्रभाग क्रमांक १३ मधील वंचित बहुजन आघाडीच्या अधिकृत उमेदवारांच्या प्रचाराचा शुभारंभ मंगळवारी मोठ्या उत्साहात करण्यात आला. वंचित बहुजन आघाडीचे मराठवाडा उपाध्यक्ष दिपक डोके यांच्या हस्ते प्रचाराचा नारळ फोडण्यात आला.
डॉ. बाबासाहेब आंबेडकरांना अभिवादन
प्रचाराच्या सुरुवातीला शहरातील संजय नगर येथील महामानव डॉ. बाबासाहेब आंबेडकर यांच्या पुतळ्यास दिपक डोके यांच्या हस्ते पुष्पहार अर्पण करून अभिवादन करण्यात आले. त्यानंतर भव्य रॅली काढून शक्तीप्रदर्शन करत प्रचाराला सुरुवात झाली.
प्रभाग १३ चे उमेदवार:
वंचित बहुजन आघाडीने प्रभाग १३ मधून सुशिक्षित आणि जनसंपर्क असलेल्या उमेदवारांना रिंगणात उतरवले आहे. यामध्ये:
प्रा. सत्यपाल गायकवाड (अधिकृत उमेदवार)
माया वानखेडे (अधिकृत उमेदवार)
अंजुम बेगम शेख जुनेद मनियार (पुरस्कृत उमेदवार)
विशाल मगरे (पुरस्कृत उमेदवार)
यांचा समावेश आहे.
प्रमुख नेत्यांची उपस्थिती:
यावेळी जिल्हा महासचिव प्रशांत कसबे, ज्येष्ठ नेते खालेद चाऊस, माजी नगरसेवक काशीनाथ मगरे, बाबा खान, संजय आदमाने, शेषराव गायकवाड, सागर निसर्गंध, दिपक खाजेकर, संतोष मगर यांसह पक्षाचे अनेक प्रमुख पदाधिकारी उपस्थित होते.
हजारो कार्यकर्त्यांचा सहभाग:
या प्रचार रॅलीत वंचित बहुजन आघाडीचे कार्यकर्ते आणि स्थानिक नागरिक हजारोच्या संख्येने सहभागी झाले होते. निळ्या झेंड्यांनी आणि घोषणाबाजीने संपूर्ण परिसर दणाणून गेला होता. प्रभाग १३ मध्ये परिवर्तन घडवण्याचा निर्धार यावेळी उमेदवारांनी व्यक्त केला.
