🇮🇳 भारताने रचला इतिहास! महिला क्रिकेट विश्वचषक २०२५ चे पहिले जेतेपद जिंकले! 🏆

​मुंबई: नवी मुंबईतील डी.वाय. पाटील स्टेडियमवर झालेल्या आयसीसी महिला क्रिकेट विश्वचषक २०२५ च्या अंतिम सामन्यात भारतीय महिला संघाने यजमान म्हणून दक्षिण आफ्रिकेचा ५२ धावांनी पराभव करून आपले पहिले-वहिला ऐतिहासिक विजेतेपद पटकावले. ​भारताची दमदार कामगिरी: ​प्रथम फलंदाजी करताना, शफाली वर्माच्या ८७ आणि दीप्ती शर्माच्या ५८ धावांच्या अर्धशतकांच्या जोरावर भारताने ७ बाद २९८ धावा केल्या. ​प्रत्युत्तरादाखल, दक्षिण आफ्रिकेची कर्णधार लॉरा वूल्व्हडार्ट (१०१) हिने झुंजार शतक केले, पण दीप्ती शर्माच्या ५ बळी (५/३९) आणि शफाली वर्माच्या २ महत्त्वाच्या विकेट्सपुढे त्यांचा डाव ४५.३ षटकांत २४६ धावांवर आटोपला. ​शफाली वर्मा ‘सामनावीर’ तर दीप्ती शर्मा ‘मालिकावीर’ ठरली. ​हरमनप्रीत कौरच्या नेतृत्वाखालील टीम इंडियाने १९८३ (कपिल देव), २००७, २०११ (धोनी) आणि २०२४ (रोहित शर्मा) च्या विजेत्यांच्या पंक्तीत आपले नाव कोरले. ​दीर्घ प्रतीक्षेनंतर भारतीय महिला क्रिकेटने हे सुवर्णाक्षरी यश मिळवले आहे.