बुलढाणा प्रतिनिधी सुरेश खरात :वाकद जहांगीर (बुलढाणा): बुलढाणा जिल्ह्याच्या शिरपेचात आणखी एक मानाचा तुरा रोवला गेला आहे. वाकद जहांगीर येथील भूमिपुत्र मा.बाबुराव भगवान विणकर यांना त्यांच्या सामाजिक आणि संरक्षण क्षेत्रातील अतुलनीय कार्यासाठी अत्यंत प्रतिष्ठित असलेला ‘प्रियदर्शी राजा सम्राट अशोक आंतरराष्ट्रीय पुरस्कार’ जाहीर करण्यात आला आहे. या आंतरराष्ट्रीय सन्मानामुळे बुलढाणा जिल्ह्यासह संपूर्ण महाराष्ट्रातून त्यांचे अभिनंदन होत आहे.दार्जिलिंग येथे भव्य पुरस्कार वितरण सोहळा.हा महत्त्वाचा पुरस्कार डॉ. बाबासाहेब आंबेडकर अकॅडमी, निपानिया, दार्जिलिंग (पश्चिम बंगाल) येथे आयोजित करण्यात आलेल्या ‘चलो बुद्ध की ओर’ या ११ व्या राष्ट्रीय आणि आंतरराष्ट्रीय संमेलनात प्रदान केला जाणार आहे.दिनांक: २ नोव्हेंबर २०२५.पुरस्काराचे स्वरूप: सन्मान चिन्ह व प्रमाणपत्र.उद्घाटन सोहळा: केंद्रीय राज्यमंत्री तथा सामाजिक न्याय अधिकारिता मंत्रालय, नवी दिल्ली मा. रामदास आठवले साहेब यांच्या हस्ते समारंभाचा शुभारंभ होणार आहे.अध्यक्षस्थान: डॉ. काशीराम पैठणे (नॅशनल व्हाईस प्रेसिडेंट भारतीय बौद्ध संघ आणि GHRPF नॅशनल एक्झिक्युटिव्ह प्रेसिडेंड, नवी दिल्ली) हे कार्यक्रमाचे अध्यक्ष असतील.देश-विदेशातून ‘चलो बुद्ध की ओर’ला प्रतिसाद, डॉ. काशीराम पैठणे यांच्या मार्गदर्शनाखाली आयोजित या संमेलनात १३ राष्ट्रीय आणि आंतरराष्ट्रीय संघटनांचा सहभाग आहे. या ‘चलो बुद्ध की ओर’ मिशनच्या माध्यमातून सामाजिक, राजनैतिक, शैक्षणिक, उद्योजक, संरक्षण व मानव कल्याणासाठी देशभरात उल्लेखनीय कार्य करणाऱ्या व्यक्तींना गौरवले जाते. आतापर्यंत अशा ११ परिषदा यशस्वीपणे आयोजित करण्यात आल्या आहेत.मान्यवर उपस्थिती: या आंतरराष्ट्रीय पुरस्कार वितरण सोहळ्यास देशभरातून नामांकित मान्यवर उपस्थित राहणार आहेत. यामध्ये प्रो. गोरख साठे, डॉ. गोले तमांग, डॉ. डी. बी. गायकवाड, डॉ. सुभाष लोखंडे, डॉ. संजय कांबळे, ॲड. प्रताप खाटी मिस, फाल्गुनी मिस, शशिबाला अधिकारी आणि मा. सूरज सिंग आदींचा समावेश आहे. मा. बाबुराव भगवान विणकर यांच्या या आंतरराष्ट्रीय यशामुळे वाकद जहांगीर गावाचे वैभव वाढले असून, हा क्षण बुलढाणा जिल्हा व महाराष्ट्रासाठी अभिमानास्पद आहे.
