केज/प्रतिनिधी
केज तालुक्यातील केकतसारणी येथे हिंदराष्ट्र ऑर्गनायझेशन संस्थेच्या वतीने ‘राष्ट्र चिंतन अभियान’अंतर्गत येत्या गुरुवारी,७ मे २०२६रोजी विशेष चर्चासत्राचे आयोजन करण्यात आले आहे.या कार्यक्रमात कृषी,आरोग्य आणि शिक्षण या तीन महत्त्वाच्या विषयांवर सखोल मार्गदर्शन आणि चर्चा होणार आहे.
कार्यक्रमाची रूपरेषा
हे चर्चासत्र केकतसारणी येथील मारुती मंदिर सभागृहात सकाळी ९ ते ११ या वेळेत संपन्न होईल.या सोहळ्यासाठी प्रमुख अतिथी म्हणून महर्षी गज अरविंदजी उपस्थित राहणार असून, त्यांच्या मार्गदर्शनाचा लाभ परिसरातील नागरिकांना घेता येणार आहे.
तज्ज्ञांचे मार्गदर्शन व प्रश्नोत्तर सत्र
या चर्चासत्रात कृषी, आरोग्य आणि शिक्षण या क्षेत्रातील विविध मान्यवर आपली मते मांडणार आहेत.केवळ मार्गदर्शनच नव्हे,तर नागरिकांच्या मनातील शंका दूर करण्यासाठी विशेष प्रश्नोत्तर सत्राचे आयोजनही करण्यात आले आहे.यामध्ये उपस्थित नागरिक आपले प्रश्न मांडू शकतील आणि मान्यवर त्यांचे निरसन करतील.राष्ट्र उभारणीत कृषी,आरोग्य आणि शिक्षण हे तीन आधारस्तंभ आहेत.या विषयांवर जनजागृती व्हावी आणि नागरिकांच्या समस्यांना व्यासपीठ मिळावे,या उद्देशाने या चर्चासत्राचे आयोजन केले आहे, अशी माहिती हिंदराष्ट्र संघाच्या महाराष्ट्र प्रदेश उपाध्यक्षा सौ.राधाताई सपकाळ यांनी दिली.या महत्त्वपूर्ण चर्चासत्राला केकतसारणी व परिसरातील नागरिकांनी मोठ्या संख्येने उपस्थित राहावे,असे आवाहन आयोजकांच्या वतीने करण्यात आले आहे.
